ກອງປະຊຸມສ່ອງແສງວຽກງານຮອບດ້ານ ປະຈໍາໄຕມາດ II
ກອງປະຊຸມສ່ອງແສງວຽກງານຮອບດ້ານ ປະຈໍາໄຕມາດ II ແລະ ວາງທິດທາງແຜນການ ໄຕມາດ III ປະຈຳປີ 2023 ຂອງບັນດາກົມກອງ
ເຂດ VIII ຢູ່ອ້ອມຂ້າງກະຊວງປ້ອງກັນປະເທດ ໄດ້ໄຂຂຶ້ນ, ໃນວັນທີ 25 ກໍລະກົດນີ້, ທີ່ວິທະຍາຄານການແພດກອງທັບ ໂດຍການເປັນປະທານ
ຂອງ ສະຫາຍ ພົນໂທ ທອງລອຍ ສີລິວົງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະ
ບັນຊາ ວິທະຍາຄານການແພດກອງທັບ, ກອງພັນໃຫຍ່ 279, ກອງພັນໃຫຍ່ 605, ກອງພັນໃຫຍ່ 641, ກອງພັນໃຫຍ່ 661, ຫ້ອງການ
ປກຊ-ປກສ ສູນກາງ, ກົມວິທະຍາສາດ-ປະຫວັດສາດ ການທະຫານກອງທັບ, ວິທະຍາຄານເຕັກນິກການທະຫານ, ໂຮງຮຽນທິດສະດີການເມືອງ
ກອງທັບ, ໂຮງໝໍສູນກາງ 103 ກອງທັບ, ຫ້ອງການເມືອງ ກົມໃຫຍ່ເສນາທິການກອງທັບ, ຫ້ອງການເມືອງ ກົມໃຫຍ່ພະລາທິການກອງທັບ ແລະ
ກົມຄົ້ນຄວ້າສັງລວມ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ໃນກອງປະຊຸມຄະນະພັກ-ຄະນະບັນຊາ ແຕ່ລະກົມກອງ ໄດ້ພັດປ່ຽນກັນລາຍງານ ສະພາບການ ຈັດຕັ້ງປະຕິບັດວຽກງານຮອບດ້ານປີ່ນອ້ອມ 4
ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດ ວາງອອກ ໃນໄລຍະ 3 ເດືອນຜ່ານມາ, ເຫັນວ່າຄະນະພັກ-ຄະນະບັນຊາ ແຕ່ລະກົມ
ກອງ ໄດ້ເປັນເຈົ້າການຊີ້ ນໍາ-ນໍາພາ ເຄື່ອນໄຫວວຽກງານ ຕາມພາລະບົດບາດ ຂອງກົມກອງ ສາມາດເຮັດສໍາເລັດໜ້າທີ່ການເມືອງ ທີ່ການຈັດຕັ້ງ
ຂັ້ນເທິງມອບໝາຍໃຫ້, ໄດ້ຖືເອົາວຽກງານສຶກສາອົບຮົມການເມືອງນຳພາ-ແນວຄິດ ໃຫ້ພະນັກງານ-ນັກຮົບ ເປັນກົກໂດຍຕິດພັນກັບທຸກຂົງເຂດ
ວຽກງານ, ໄດ້ຈັດຕັ້ງພະນັກງານ-ວິຊາການລົງກໍ່ສ້າງຮາກຖານການເມືອງ ສົມທົບແໜ້ນກັບອໍານາດການປົກຄອງທ້ອງຖິ່ນເຄື່ອນໄຫວເຮັດວຽກງານ
ປ້ອງກັນຊາດ-ປ້ອງກັນຄວາມສະຫງົບ ຕາມຂອບເຂດຂອງແຕ່ລະກົມກອງຮັບຜິດຊອບ ເຮັດໃຫ້ສະພາບມີຄວາມສະຫງົບໂດຍພື້ນຖານ.
ພ້ອມກັນນັ້ນ, ກໍ່ໄດ້ເປັນເຈົ້າການຕ້ານ ແລະ ສະກັດກັ້ນບັນດາປະກົດການຫຍໍ້ທໍ້ ຕ່າງໆບໍ່ໃຫ້ເກີດຂຶ້ນພາຍໃນກົມກອງ ເຮັດໃຫ້ສະພາບການ
ເມືອງ ພາຍໃນມີຄວາມໜັກແໜ້ນເຂັ້ມແຂງ, ສ່ວນບັນດາວິທະຍາຄານ ແລະ ໂຮງຮຽນ ກໍໄດ້ເອົາໃຈໃສ່ ປະຕິບັດໂຄງການຫຼັກສູດການຮຽນ-ການ
ສອນໃຫ້ນັກຮຽນ-ນັກສຶກສາ ຕາມແຜນການຮັບປະກັນຄຸນນະພາບສູງ. ນອກຈາກນີ້, ຄະນະພັກ-ຄະນະບັນຊາ ແຕ່ລະກົມກອງ ຍັງໄດ້ເອົາໃຈໃສ່ຊີ້
ນຳ-ນຳພາພະນັກງານ-ນັກຮົບ ປະຕິບັດແຜນການອົບຮົມ-ຫັດແອບການເມືອງ, ການທະຫານ, ພະລາທິການ-ເຕັກນິກ ປະຈຳປີ 2023 ໃຫ້ສໍາເລັດ
ຕາມຄາດໝາຍ ທີ່ວາງໄວ້.
ໂອກາດນີ້, ສະຫາຍ ພົນໂທ ທອງລອຍ ສິລິວົງ ໄດ້ສະແດງຄວາມຍ້ອງຍໍ ຊົມເຊີຍຕໍ່ຜົນສໍາເລັດ ທີ່ແຕ່ລະກົມກອງຍາດມາໄດ້ ໃນໄລຍະຜ່ານມາ,
ພ້ອມທັງໄດ້ຍົກໃຫ້ເຫັນ ສະພາບການຂອງໂລກ ແລະ ພາກພື້ນ ທີ່ພວມຜັນແປໃນປັດຈຸບັນ ເຊິ່ງມີທັງສິ່ງເອື້ອອຳນວຍ ແລະ ສິ່ງທ້າທາຍທົດສອບຫຼາຍ
ປະການ, ໂດຍສະເພາະຢູ່ລາວ ເຮົາແມ່ນພວມປະເຊີນໜ້າກັບ ບັນຫາເສດຖະກິດ ເຊິ່ງໄດ້ສົ່ງຜົນກະທົບຫຼາຍດ້ານ, ສະນັ້ນ, ຈຶ່ງຮຽກຮ້ອງໃຫ້ຄະນະພັກ-
ຄະນະບັນຊາ ແຕ່ລະກົມກອງເອົາໃຈໃສ່ເຮັດວຽກສຶກສາອົບຮົມການເມືອງນໍາພາແນວຄິດ ຢ່າງຕໍ່ເນື່ອງ ເພື່ອເຮັດໃຫ້ພະນັກງານ-ນັກຮົບມີແນວຄິດອຸ່ນ
ອຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ-ລັດ, ສືບຕໍ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຂອບເຂດກົມກອງຮັບຜິດຊອບ ໃຫ້
ມີຄວາມສະຫງົບໂດຍພື້ນຖານ, ເອົາໃຈໃສ່ ຊີ້ນໍາ-ນຳພາ ປະຕິບັດແຜນການ ອົບຮົມ-ຫັດແອບ ໃຫ້ພະນັກງານ-ນັກຮົບ ມີຄວາມຊໍານານຄ່ອງແຄ້ວ
ທາງດ້ານສິລະປະຍຸດ-ຍຸດທະວິທີ ແລະ ວິຊາສະເພາະ ຂອງແຕ່ລະເຫຼົ່າຮົບ, ພ້ອມນີ້ຕ້ອງເອົາໃຈໃສ່ເພີ່ມທະວີການ ນໍາພາ-ຊີ້ນຳ ເຮັດໃຫ້ສະພາບມີຄວາມ
ສະຫງົບ ແນໃສ່ສ້າງກົມກອງ ປອດໃສ, ປອດໄພ, ປອດຄະດີ, ຕິດພັນ ກັບ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ສືບຕໍ່ພົວພັນຮ່ວມ
ມືກັບເພື່ອນມິດຍຸດທະສາດ ໃນການຍາດແຍ່ງເອົາບົດຮຽນທີ່ດີ, ແຫຼ່ງທຶນຕ່າງໆ ມາພັດທະນາກົມກອງ ຕິດພັນກັບການສ້າງກອງທັບ ໃຫ້ມີແບບ
ແຜນທີ່ທັນສະໄຫມ ເທື່ອລະກ່າວ.
ວັນທີ 26/07/2023